دوحہ: امیر قطر کا یوم پاکستان پر مبارکباد کا پیغام ، کہا یوم پاکستان پر پاکستان کی قیادت ، عوام کو مبارکباد پیش کرتے ہیں ۔ دونوں برادر ممالک کے تعلقات میں مزید ترقی کے خواہش مند ہیں ۔
یوم پاکستان پر ترکی نے بھی پاکستان کے ساتھ دوستی کا حق ادا کر دیا ، انقرہ میں لینڈ مارک ٹاور کو پاک ترک پرچموں سے سجا دیا گیا ۔
یاد رہے کہ ترکی 14 اگست کا دن بھی بڑے جوش و خروش سے مناتا ہے اس کے علاوہ مسئلہ کشمیر پر ترک حکام نے ہمیشہ پاکستان کے موقف کی تائید کی ہے ۔
ادھر آذربائیجان کے صدر الہام علی یوف کی یوم پاکستان پر صدر عارف علوی کو مبارکباد ، انہوں نے اپنے خط کے ذریعے پاکستانی قوم کیلئے نیک خواہشات کا اظہار کیا ۔
جبکہ پاکستان میں آذربائیجان کے سفیر نے پاکستانیوں کو مبارکباد کیلئے اردو زبان میں ویڈیو پیغام جاری کیا ۔
امریکی صدر جوبائیڈن نے بھی یوم پاکستان کے موقع پر نیک خواہشات کا اظہار کیا ۔ انہوں نے کہا کہ دونوں ممالک کے تعلقات بہترین تھے ، ہیں اور رہیں گے ۔
جرمن سفیر نے اپنی ٹویٹ میں تمام پاکستانیوں کو یوم پاکستان کی مبارکباد پیش کی ۔ انہوں نے کہا کہ میزبان ملک کے تمام باسیوں کی خوشحالی کیلئے دعا گو ہوں ۔ یقین ہے خوشحال مستقبل ہی آپ سب اور پاکستان کا مقدر ہے ۔