اسلام آباد:ملک بھر میں بڑھتے ہوئے کورونا کیسز کے باعث این سی او سی کا اجلاس منعقد کیا گیا اور وفاقی وزیر اسد عمر نے کہا ہے کہ کورونا مثبت شرح کی وجہ بننے والی سرگرمیوں پر سخت پابندیاں عائد کرنے کا فیصلہ کیا گیا ہے ۔
تفصیلات کے مطابق وفاقی وزیر منصوبہ بندی اسد عمر کی زیر صدارت نیشنل کمانڈ اینڈ آپریشن سنٹر(این سی او سی ) کا اجلاس منعقد کیا گیا ۔
سماجی رابطے کی ویب سائٹ ٹوئٹر پر پیغام جاری کرتے ہوئے اجلاس میں کئے گئے فیصلوں کے بارے بتاتے ہوئے اسد عمر نے کہا کہ ہم نے آج این سی او سی کے اجلاس میں ان تمام سرگرمیوں پر پابندیوں میں اضافے کا فیصلہ کیا ہے جن کی وجہ سے عالمی وبا کورونا وائرس کی کیسز میں تیزی کے ساتھ اضافہ ہورہا ہے۔
In the NCOC meeting this morning we decided to increase restrictions of activities contributing to sharp increase in covid positivity. The provincial & ICT administration were also directed to tighten implementation of sop’s and crackdown on violations which are taking place.
— Asad Umar (@Asad_Umar) March 22, 2021
وفاقی وزیر منصوبہ بندی نے اپنے ٹوئٹ میں مزید کہا کہ صوبائی اور اسلام آباد کی انتظامیہ کو بھی اس بات کی ہدایت کی گئی ہے کہ وہ ایس او پیز پر سختی سے عملدرآمد کرائیں جبکہ ان سب کی خلاف ورزی کرنے والوں کے خلاف کریک ڈائون کی بھی ہدایت کی گئی ہے۔