اسلام آباد: وزیراعظم پاکستان عمران خان آج عوام سے ٹیلی ون پر بات کریں گے۔
تفصیلات کے مطابق پاکستان تحریک انصاف کے رہنما اور سینیٹر فیصل جاوید نے اس بات کی اطلاع سماجی رابطے کی ویب سائٹ ٹوئٹر پر دیتے ہوئے لکھا کہ وزیراعظم عمران خان نے ایک مرتبہ پھر عوام سے ٹیلی فون پر بات کرنے کا فیصلہ کیا ہے۔
سینیٹر فیصل جاوید کا مزید کہنا تھا کہ عمران خان عوام سے فون پر براہ راست بات کریں گے جبکہ وزیراعظم سے ٹیلی فون لائنز پر کل بروز اتوار سہ پہر 3بجے رابطہ کیا جاسکتا ہے۔
#آپکا_وزیراعظم_آپکے_ساتھ وزیراعظم عمران خان سے فون پر براہِ راست بات کریں – آپکے سوالات اور وزیراعظم کےجواب
ٹیلیویژن،ریڈیو اورڈیجیٹل میڈیا پر ایکساتھ نشر کیے جائینگے- وقت اورتاریخ کااعلان جلد کیا جائیگا-وزیراعظم عمران خان نے گزشتہ ماہ بھی عوام سےبذریعہ فون ڈائریکٹ بات کی تھی— Faisal Javed Khan (@FaisalJavedKhan) March 20, 2021
رہنما پاکستان تحریک انصاف نے کہا کہ سوالات اور وزیراعظم عمران خان کے جوابات میڈیا پر بھی نشر کیے جائیں گے۔
یاد رہے کہ اس سے قبل بھی وزیراعظم عمران خان نے عوام کے ساتھ ٹیلی فون کے ذریعے بات کی تھی جس کو میڈیا پر نشر بھی کیا گیا تھا۔