سڈنی: (این پی جی میڈیا) آسٹریلیا میں بڑے پیمانے پر طوفاانی بارشیں ہورہی ہیں جس کے بعد آسٹریلیا کے مختلف شہروں میں سیلابی صورتحال پیدا ہوگئی ہے۔
غیرملکی خبر رساں ایجنسی کے مطابق آسٹریلولی حکام کا کہنا ہے کہ آسٹریلیا کے مشرقی ساحل کے نشیبی علاقوں میں بڑے پیمانے پر انخلاء کا حکم دیا گیا ہے کیونکہ موسلا دھار بارشوں نے خطے میں جان لیوا سیلاب کا خدشہ پیدا کردیا ہے۔
آسٹریلوی پولیس نے بتایا ہے کہ نیو ساؤتھ ویلز ریاست میں سڈنی کے شمال میں واقع سینکڑوں افراد نے انخلا کے لیے مختلف مراکز کا رخ کیا ہے
آسٹریلوی محکمہ موسمیات کے مطابق سڈنی کے شمال میں 400 کلومیٹر شمال میں پورٹ میکوری کے باہر دریائے ہیسٹنگس کے قریب سیلاب کی سطح 2013 کے سیلاب سے زیادہ خطرناک ہے۔
محکمہ موسمیات کے مطابق گذشتہ روز کی صبح 300 ملی میٹر سے زیادہ کی بارش ریکارڈ ہوچکی ہے۔
محکمے نے خبردار کیا ہے کہ حالیہ بارشیں ممکنہ طور پر جان لیوا طوفان سیلاب کا باعث بنیں گی۔
آسٹریلوی پولیس کا کہنا ہے کہ سڈنی کے شمالی علاقوں سے سیکڑوں افراد عارضی پناہ گاہوں میں منتقل ہوگئے ہیں۔
جبکہ حکام کی جانب سے سیلابی صورتحال کے باعث بڑے پیمانے پر انخلا کے احکامات جاری کئے گئے ہیں۔