لاہور میں بادلوں کے ڈیرے، کئی علاقوں میں ہلکی بوندا باندی بھی جاری

لاہور: محکمہ موسمیات نے اسلام آباد میں بھی بادل برسنے کی پیش گوئی کر دی جبکہ لاہور میں بادلوں نے ڈیرے ڈال لیے ہیں ، کئی علاقوں میں ہلکی بوندا باندی بھی جاری ہے ۔

تفصیلات کے مطابق ملک بھر میں بارشوں کا نیا سلسلہ شروع ، کوئٹہ سمیت بلوچستان کے اضلاع خضدار ، سبی ، ژوب اور چمن میں موسلا دھار بارش ، زیارت اور دیربالا میں برفباری سے ہر طرف سفیدی چھا گئی ۔

پنجاب کے کئی شہروں میں بھی بارش ہوئی ، فیصل آباد ، خانیوال ، بورے والا ، وہاڑی ، چیچہ وطنی ، صفدر آباد ، گوجرہ اور ساہیوال میں بارش سے خوشگوار ہوگیا ۔