جنیوا: عالمی وبا کوویڈ 19 کی تیسری لہر نے دنیا بھر میں ایک بار پھر خوف کی فضا قائم کردی ہے۔
غیر ملکی خبررساں ایجنسی کے مطابق دنیا میں کرونا کی تیسری لہر کی وجہ سے کیسز انتہائی حد تک بڑھ چکے ہیں جس کے باعث دنیا کے مختلف ممالک میں لاک ڈاون لگایا جارہا ہے۔
کورونا کیسز کے بعد جرمن چانسلر انجیلا مرکل کی جانب سے جاری کیے گئے بیان میں کہا کہ اب وقت آگیا ہے کہ ملک میں دوبارہ لاک ڈاؤن کیا جائے۔
میڈیا رپورٹس کے مطابق فرانس میں رواں ماہ سے 16 علاقوں میں دوبارہ لاک ڈاؤن کا نفاذ ہوگا جبکہ پولینڈ میں کل سے 3 ہفتوں کے جزوی لاک ڈاؤن کا اعلان کردیا گیا ہے۔
دوسری جانب برازیل میں بھی کرونا کی وجہ صورتحال بگڑتی جارہی ہے جس کے باعث ملک بھر میں لاک ڈاؤن کا مطالبہ کیا جا رہا ہے۔ ادھر سپین میں نے ایسٹر کی چھٹیوں کے دوران بھی سفری پابندیاں لگانے کا فیصلہ کر لیا گیا ہے۔