واشنگٹن: امریکا کی بیشتر ریاستوں میں برفانی طوفان کے بعد نظام زندگی درہم برہم ہو کر رہ گیا ہے۔
غیر ملکی خبررساں ایجنسی کے مطابق امریکا کی کئی ریاستوں میں شدید برفباری کے نتیجے میں کم از کم 23 افراد ہلاک ہوگئے جبکہ نظام زندگی درہم برم ہونے کے باعث پچاس لاکھ سے زائد لوگ بجلی کی سہولت سے بھی محروم ہو چکے ہیں۔
امریکی میڈیا کے مطابق زیادہ تر اموات امریکی ریاستوں ٹیکساس، ٹینے سی، کینٹیکی، شمالی کیرولائنا اور لیوزی اینا میں ہوئی ہیں۔
امریکی ریاستوں میں تقریبا ڈیڑھ کروڑ افراد برفباری کے اس طوفان میں پھنسے ہوئے ہیں۔ امریکی محکمہ موسمیات کا کہنا ہے کہ اس وقت ستر فیصد سے زائد امریکا برف سے ڈھکا ہوا ہے۔