مکہ:(این پی جی میڈیا) رواں سال تیسری اور آخری بار آج شب چاند خانہ کعبہ کے عین اوپر دیکھا جائے گا۔
ماہرین فلکیات کے مطابق عام آنکھ سے بھی خانہ کعبہ کے عین اوپر چاند کا یہ منظر دیکھا جا سکے گا۔ سعودی وقت کے مطابق چاند رات 3 بج کر 23 منٹ پر خانہ کعبہ کے اوپر ہوگا جب کہ پاکستان میں اس وقت 5 بج کر 23 منٹ ہوں گے، اس سے قبلے کی سمت کا تعین بھی کیا جاسکے گا۔
سعودی ماہر فلکیات کا کہنا ہےکہ یہ مسجد حرام میں فجر کی اذان سے 2 گھنٹے 11 منٹ پہلے کا وقت ہو گا، اس وقت چاند کی اونچائی 89.54 درجے ہوگی اور چاند کا روشن حصہ 87 فیصد ہوگا۔