دبئ: (این پی جی میڈیا) انٹرنیشنل کرکٹ بورڈ نے سری لنکا کے خلاف میچ میں سلو اور ریٹ کی وجہ سے ویسٹ انڈیز کرکٹ ٹیم کو جرمانہ کر دیا۔
ویسٹ انڈیز نا صرف میچ ہار کر سیمی فائنل کی دوڑ سے باہر ہوا بلکہ سلو اور ریٹ کی وجہ سے ویسٹ انڈین کھلاڑیوں کو اب اپنی میچ فیس کا 20 فیصد جرمانہ ادا کرنا ہو گا۔
خیال رہے کہ سری لنکا نے پہلے کھیلتے ہوئے مقررہ 20 اورز میں 3 وکٹوں کے نقصان پر 189 رنز بنائے تھے اور ویسٹ انڈین ٹیم یہ ہدف چیز نہ کر سکی اور مقررہ اورز میں 8 وکٹوں کے نقصان پر 169 رنز ہی بنا سکی۔ اس طرح سری لنکا نے یہ میچ 20 رنز سے جیت لیا۔