بھارتی میڈیا کے مطابق یونین منسٹر گری راج سنگھ نے پاک بھارت تعلاقات کی وجہ سے پاک بھارت میچ منسوخ کرنے کا مطالبہ کر دیا ہے۔
بھارتی یونین منسٹر نے میڈیا سے بات کرتے ہوئے کہا کہ پاکستان اور بھارت کے درمیان میچ کو کسی اور نظر سے دیکھنا چاہیے اور چونکہ دونوں ملکوں کے درمیان تعلاقات اس وقت خراب ہیں تو اس لیے ورلڈ کپ میں بھارت کو پاکستان سے میچ کھیلنے سے انکار کر دینا چاہیے۔
بھارتی وزیر کے ساتھ ان کے دیگر دو وزرا نے بھی پاک بھارت میچ منسوخ کرانے کے لیے اس پر کابینہ میں بحث کا مطالبہ کیا ہے۔
خیال رہےکہ ٹی ٹوئنٹی ورلڈکپ میں پاکستان اور بھارت کے درمیان ہائی وولٹیج میچ 24 اکتوبر بروز اتوار کو کھیلا جائے گا۔
گزشتہ روز میچ کے حوالے سے بھارتی کپتان ویرات کوہلی کا کہنا تھا کہ انہیں پاکستان کے ساتھ میچ میں کبھی کچھ مختلف محسوس نہیں ہوا، وہ اسے صرف کرکٹ کے دیگر میچز کی طرح دیکھتے ہیں۔