عدالت نے شلپا شیٹی کے شوہر کی درخواستِ ضمانت رد کردی

بھارتی ریاست مہارا شٹر کی ممبئی ہائی کورٹ نے بولی وڈ اداکارہ شلپا شیٹی کے شوہر راج کندرا کوفحشا فلمیں بنانے کے کیس میں ضمانت دینے سے انکا کردیا۔
راج کندرا کو ممبئی پولیس نے رواں ماہ 19 جولائی کو فحش فلمیں بنانے کے کیس میں گرفتار کرکے جیل بھیجا تھا، بعد میں انہیں مقامی عدالت میں پیش کرکے ان کا 27 جولائی تک جسمانی ریمانڈ حاصل کیا گیا تھا۔
جسمانی ریمانڈ کی مدت مکمل ہونے پر راج کندرا نے ممبئی ہائی کورٹ میں ضمانت کے لیے درخواست دی تھی، جسے عدالت نے مسترد کردیا۔
ممبئی ہائی کورٹ نے 28 جولائی کو راج کندرا کی درخواست پر مختصر سماعت کرتے ہوئے ان کی ضمانت کی درخواست مسترد کردی اور ۔پولیس کو حکم دیا کہ وہ 29 جولائی تک کیس کا مکمل چالان پیش کرے۔